मुंबई: मुंबईत घर घेण्याचे स्वप्न पाहणाऱ्यांसाठी एक आनंदाची बातमी आहे. आगामी म्हाडा मुंबई लॉटरी २०२६ साठी म्हाडाने तब्बल ३,३८५ घरे उपलब्ध केली आहेत. मुंबईतील विविध महत्त्वाच्या ठिकाणी ही घरे उपलब्ध होणार असून, म्हाडा लवकरच लॉटरी जाहीर करण्याच्या तयारीत आहे.
या लॉटरीमध्ये अत्यल्प उत्पन्न गटासाठी (EWS) सध्या घरे उपलब्ध नसली तरी, अल्प, मध्यम आणि उच्च उत्पन्न गटासाठी मोठ्या प्रमाणात घरांचा समावेश आहे.
१. कोणत्या गटासाठी किती घरे?
म्हाडाने उपलब्ध केलेल्या ३,३८५ घरांचा तपशील खालीलप्रमाणे आहे
- अल्प उत्पन्न गट (LIG): ५५ घरे
- मध्यम उत्पन्न गट (MIG): १,५८५ घरे
- उच्च उत्पन्न गट (HIG): १,७४५ घरे
यामध्ये उच्च उत्पन्न गटासाठी सर्वाधिक घरे उपलब्ध आहेत. अत्यल्प उत्पन्न गटासाठी घरे वाढवण्याचा प्रयत्न म्हाडाकडून सुरू आहे. म्हाडाने एकूण घरांची संख्या ५,००० च्या वर नेण्याचा संकल्प केला आहे.
२. मुंबईत कुठे आहेत ही घरे?
लॉटरीमध्ये घरे उपलब्ध होणारी प्रमुख ठिकाणे खालीलप्रमाणे आहेत:
- पत्राचाळ, गोरेगाव पश्चिम:
- हा प्रकल्प सर्वात मोठा ‘हाय डेस्टिनेशन’ ठरणार आहे.
- या एकट्या ठिकाणी २,३९८ घरे उपलब्ध केली जाणार आहेत, ज्यात अल्प, मध्यम आणि उच्च तिन्ही गटासाठी घरे आहेत.
- कंदमवार नगर, विक्रोळी:
- या ठिकाणी मध्यम आणि उच्च उत्पन्न गटासाठी १,४०० घरे उपलब्ध आहेत.
- इतर प्रमुख ठिकाणे:
- माघटणे, बोरिवली (१२८ घरे, फक्त HIG)
- भाबरेकर नगर, कांदिवली (८१ घरे)
- प्रतीक्षानगर, सायन (२६४ घरे, फक्त HIG)
- टिळकनगर, चेंबूर (१११ घरे)
- नेहरूनगर, कुर्ला (५५ घरे)
३. लॉटरी का झाली होती रद्द?
यावर्षीची मुंबई लॉटरी रद्द (Postpone) झाल्यामुळे अनेक अर्जदारांमध्ये नाराजी होती. मात्र, आता ही नाराजी दूर करण्यासाठी म्हाडाने जोरदार तयारी सुरू केली आहे.
४. अर्ज प्रक्रिया कधी सुरू होणार?
सध्या म्हाडाकडून मुंबईतील बांधलेल्या घरांचे सर्वेक्षण सुरू आहे. या सर्वेक्षणानंतर घरांचा अंतिम आकडा निश्चित होईल आणि त्यानंतर लॉटरीची जाहीर सूचना प्रकाशित केली जाईल. अर्जदारांनी अर्ज करण्यासाठी म्हाडाच्या अधिकृत वेबसाइटकडे लक्ष ठेवणे आवश्यक आहे.
वाचा : म्हाडा पुणे लॉटरी 2025: घरासाठी अर्ज करण्याची मुदत वाढली!
