4 राज्यांतून नवा कांदा दाखल: पाकिस्तानचा कांदा खराब, निर्यातीमध्ये वाढ होण्याचे चिन्हे, येत्या काळात दर वाढण्याची शक्यता

नाशिक : नाफेडने खरेदी केलेला कांदा (Onion purchased by Nafed) अचानक बाहेर आणला, साठविलेल्या उन्हाळ कांद्याची (stored summer onions) खरी आकडेवारी न समजल्याने तसेच नवीन (लाल) कांदा (New red onion) हा महाराष्ट्रासह गुजरात, मध्य प्रदेश आणि राजस्थानमध्ये लवकर बाजारात दाखल झाल्याने दरात घसरण सुरू झाली. त्यामुळे कांदा उत्पादकांसह (Onion growers) व्यापाऱ्यांनाही आर्थिक फटका सहन करावा लागत आहे. शनिवारी नाशिक जिल्ह्यातील विविध बाजार समितींमध्ये नवीन कांद्याला (लाल) १५०० ते ३२०० रुपये तर जुन्या (उन्हाळ) ८०० ते १७०० रुपये प्रति क्विंटल दर मिळत होता. तसेच परदेशातही नवीन कांद्याला मागणी वाढल्याने निर्यातीमध्ये वाढ होण्याचे चिन्हे आहे.

मुबलक झालेला पाऊस, कमी झालेली पाणीटंचाई यामुळे कांदा लागवडीमध्ये दिवसेंदिवस वाढ होत आहे. यंदा शेतकऱ्यांनी उन्हाळ कांद्याची मोठ्या प्रमाणात साठवणूक केली होती, तर व्यापाऱ्यांकडे देखील कांदा साठवण अधिक असल्याने बाजारात वेळोवेळी कांदा उपलब्ध होत गेला. तसेच नाफेडने खरेदी करून ठेवलेला कांदा खराब झाला असला तरी विक्री केला. त्यामुळे कांदाटंचाई जाणवली नसल्याने दरवाढीवर परिणाम झाला. त्यामुळे शेतकऱ्यांचे नियोजन चुकले तर ग्राहकांना लाल कांदा बाजारात दाखल होईपर्यंत आवाक्यातील दरात कांदा मिळत गेल्याने त्यांच्यामध्ये समाधान राहिले.

पाकिस्तानचा कांदा खराब, बाजारात नसल्याने भारतीय कांद्यास मागणी
पाकिस्तानमध्ये झालेल्या अतिवृष्टीमुळे तेथील कांदा मोठ्या प्रमाणात खराब झाला आहे. त्यामुळे पाकिस्तानातून निर्यात होणारा कांदा मुबलक प्रमाणात नसल्याने इंडोनेशिया, दुबई, थायलंड, मलेशिया, श्रीलंका या देशांतून भारताच्या लाल कांद्याला मागणी वाढली आहे. त्यामुळे कांदा निर्यातीसाठी समाधानकारक वातावरण रहाणार आहे.

दर स्थिर राहण्याची शक्यता
नवीन कांदा हा लवकर बाजारात दाखल झाला आहे, त्यामुळे जुन्या कांद्याची मागणी कमी झाली आहे. ग्राहकांकडून नवीन कांद्याला मागणी असते. परिणामी जुन्या कांदा दरात घसरण झाली असुन सध्या दर स्थिर राहण्याची शक्यता आहे. विकास सिंग, कांदा निर्यातदार

नाशिक जिल्ह्यातील कांद्याची मागणी घटली
राज्यातून कांदा पश्चिम बंगाल, बिहारमध्ये विक्रीला जात असतो. तर सध्या मध्य प्रदेशातील कांदा हा दिल्ली, हरियाणा, पंजाब या परिसरात जात असल्याने नाशिकच्या कांद्याची मागणी कमी झाली आहे.
-इम्तियाज पटेल, कांदा व्यापारी

कालचे कांदा बाजारभाव –

कोल्हापूर	—	क्विंटल	3906	700	2200	1400
औरंगाबाद	—	क्विंटल	1746	200	1200	700
जुन्नर – नारायणगाव	चिंचवड	क्विंटल	60	300	1800	1400
सोलापूर	लाल	क्विंटल	25963	100	2650	1200
धुळे	लाल	क्विंटल	4080	200	2000	1600
लासलगाव	लाल	क्विंटल	98	1250	1800	1616
पंढरपूर	लाल	क्विंटल	284	100	1900	1400
नागपूर	लाल	क्विंटल	180	1000	2000	1750
साक्री	लाल	क्विंटल	650	500	1250	900
भुसावळ	लाल	क्विंटल	19	1000	1000	1000
अमरावती	लोकल	क्विंटल	468	1500	3000	2250
सांगली	लोकल	क्विंटल	3859	500	2200	1350
पुणे- खडकी	लोकल	क्विंटल	9	1000	1600	1300
पुणे -पिंपरी	लोकल	क्विंटल	13	1000	1400	1200
पुणे-मोशी	लोकल	क्विंटल	266	300	1200	750
जामखेड	लोकल	क्विंटल	162	100	3000	1550
वाई	लोकल	क्विंटल	15	1000	2000	1500
शेवगाव	नं. १	नग	2530	1200	1500	1200
शेवगाव	नं. २	नग	1900	800	1000	1000
शेवगाव	नं. ३	नग	1000	100	700	700
नागपूर	पांढरा	क्विंटल	100	1000	2000	1750
नाशिक	पोळ	क्विंटल	94	1000	1900	1650
पिंपळगाव बसवंत	पोळ	क्विंटल	2220	300	3245	2400
येवला	उन्हाळी	क्विंटल	3500	200	1370	750
येवला -आंदरसूल	उन्हाळी	क्विंटल	1500	150	1099	800
नाशिक	उन्हाळी	क्विंटल	1361	450	1455	1255
लासलगाव	उन्हाळी	क्विंटल	3795	500	1591	1100
लासलगाव – विंचूर	उन्हाळी	क्विंटल	9980	500	1385	1050
राहूरी -वांबोरी	उन्हाळी	क्विंटल	9594	100	1800	900
चांदवड	उन्हाळी	क्विंटल	3200	381	1270	750
मनमाड	उन्हाळी	क्विंटल	2000	400	1021	700
कोपरगाव	उन्हाळी	क्विंटल	8060	300	1799	1100
कोपरगाव	उन्हाळी	क्विंटल	2420	225	1250	850
पिंपळगाव बसवंत	उन्हाळी	क्विंटल	7165	200	1725	1150
पिंपळगाव(ब) – सायखेडा	उन्हाळी	क्विंटल	1980	500	1115	700
वैजापूर	उन्हाळी	क्विंटल	614	150	1200	900

हे पण वाचा : भाव घसरले: सोयाबीन, कापसाची आवक घटली; शेतकऱ्यांना भाववाढीची प्रतीक्षा…